მამუკა ხაზარაძის განცხადებით, „ლელოს“ ნომერ პირველი ამოცანა საერთაშორისო მნიშვნელობის საფონდო ბირჟის დაფუძნებაა

მოვახდენთ საბანკო და საფინანსო ინსტიტუტების რეფორმირებას, რომელიც ქვეყანაში ფუნდამენტურად შეცვლის საკრედიტო ისტორიას და საკრედიტო რესურსებს მკვეთრად გააიაფებს.

საქართველოში ვაფუძნებთ საერთაშორისო სტატუსის საფონდო ბირჟას, - ამის შესახებ პარტია „ლელო საქართველოსთვის“ ლიდერმა მამუკა ხაზარაძემ პარტიის „მარშალის გეგმის“ პრეზენტაციისას განაცხადა.

მამუკა ხაზარაძის თქმით, „ლელოს“ ნომერ პირველი ამოცანა საერთაშორისო მნიშვნელობის საფონდო ბირჟის დაფუძნება იქნება.

„ქვეყნის განვითარება და ზრდა შეიძლება მხოლოდ 2 პარამეტრით, ერთ სულ მოსახლეზე შიდამოხმარების ზრდით ან საერთაშორისო საფონდო ბირჟის აქტიური მუშაობით. ჩვენ ვართ პატარა ქვეყანა, შესაბამისად, ჩვენი მოდელი ითვალისწინებს, რომ დავაფუძნოთ საერთაშორისო მნიშვნელობის საფონდო ბირჟა. შესაბამისად, ჩავერთოთ მსოფლიო ფინანსების ცენტრებში, გავხდეთ ნაწილი იმ ფინანსური ინდუსტრიისა , რომელიც დღეს მსოფლიოშია. ხედავთ ლონდონის საფონდო ბირჟას, სინგაპურს, ჰონგკონგს და ა.შ. თუ ჩვენ ამის ორგანული ნაწილი არ გავხდით და საქართველოში არ გაიარა ამ ფინანსებმა, ჩვენ გრძელვადიანი სტაბილური განვითარება არ გვიწერია. შესაბამისად, ნომერ პირველი ამოცანა იქნება საერთაშორისო მნიშვნელობის საფონდო ბირჟის დაფუძნება. სხვათა შორის, ერთ-ერთ მათგანთან ჩვენ დიდი ხნის ურთიერთობა გვაქვს და ეს პროექტი უკვე დაძრულია. ამის საბოლოო შედეგი იქნება საქართველოში ფულადი და ფინასური რესურსების, ბიზნესების ხელმისაწვდომობა და ა.შ. ჩვენი პროგრამით, ყველა კომპანია, რომელიც არის ლიცენზირებული სახელმწიფოს მიერ, ეს იქნება ენერგო, კავშირგაბმულობის, საბანკო, მინერალური წყლების, წიაღისეულის თუ ა.შ. ვალდებულნი იქნებიან, რომ 20% განათავსონ ამ საფონდი ბირჟაზე. ამით ჩვენ ყველა მოქალაქეს საშუალებას მივცემთ, რომ გახდნენ ჩვენი წამყვანი ინდუსტრიების თანამფლობელები. ასევე, მოხდება ყველა სახელმწიფო კომპანიის პრივატიზირება, ე.წ. საფონდო ბირჟის საშუალებით“, - განაცხადა მამუკა ხაზარაძემ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით