უკრაინაში, ბოლო 24 საათის განმავლობაში, კორონავირუსის შემთხვევების კვლავ რეკორდული რაოდენობა დაფიქსირდა. ბოლო დღე-ღამის განმავლობაში, ქვეყანაში ვირუსით კიდევ 2 836 ადამიანი დაინფიცირდა და საერთო ჯამში მათმა რაოდენობამ 133 787-ს მიაღწია. ამ ინფორმაციას უკრაინის ჯანდაცვის სამინისტრო ავრცელებს.
ამასთან, უკრაინაში ბოლო დღე-ღამის განმავლობაში კორონავირუსით კიდევ 50 პაციენტი დაიღუპა და ვირუსის მსხვერპლთა რიცხვმა 2 811-ს მიაღწია. ქვეყანაში კორონავირუსის ყველაზე მეტი შემთხვევა ხარკოვის ოლქსა და კიევში ფიქსირდება.