ბელარუსში სამართალდამცავებმა მასობრივი ღონისძიების გამართვის შესახებ კანონის დარღვევის გამო 41 დემონსტრანტი დააკავეს, - ამის შესახებ ინფორმაციას ადგილობრივი მედია ბელარუსის შინაგან საქმეთა სამინისტროზე დაყრდნობით ავრცელებს.

მათივე ინფორმაციით, დაკავებულებიდან 21 დროებითი დაკავების იზოლატორში მოათავსეს.

შეგახსენებთ, ბელარუსში, 9 აგვისტოს საპრეზიდენტო არჩევნების შემდეგ საპროტესტო აქციები არ წყდება. მომიტინგეები არჩევნების ოფიციალურ შედეგებს არ აღიარებენ, რომლის თანახმადაც ალექსანდრე ლუკაშენკომ ხმების 80.1 % მიიღო. ისინი ლუკაშენკოს გადადგომას და ხელახალი არჩევნების ჩატარებას მოითხოვენ