თენგიზ ცერცვაძე - 8-9 მიკროაფეთქების შემთხვევა გვქონდა, ეს მიკრომატება ლოკალიზებული იყო მაქსიმუმ 2 კვირაში

ინფექციური პათოლოგიისა და შიდსის ცენტრის გენერალური დირექტორის თენგიზ ცერცვაძის განცხადებით, დღევანდელი მდგომარეობის გათვალისწინებით აჭარის რეგიონის ჩაკეტვის აუცილებლობა არ არის.

როგორც ცერცვაძე აცხადებს, მნიშვნელოვანია, რომ საქართველომ ეპიდემიოლოგიური თვალსაზრისით მდგომარეობის მდგრადობა შეინარჩუნა და შეზღუდვების მოხსნის შემდეგ ინფიცირების მაჩვენებელი მკვეთრად არ გაიზარდა.

„არ განიხილება რეგიონის დაკეტვა და არც საგანგებო ზომების შემოღება. არც განგაშის საფუძველს არ იძლევა ეს შემთხვევების მატება რაც აჭარაში დაფიქსირდა. ეს გარდაუვალია, როდესაც ჩვენ კოვიდის პანდემიის გარემოში ვცხოვრობთ, როდესაც ჩვენს უშუალო მეზობელ ოთხ ქვეყანაში და მეორე რიგის მეზობელ ქვეყნებში ვერაფრით ვერ მიაღწიეს ინფიცირებულთა რაოდენობის კლებას, გარკვეულად შეზღუდულია მიმოსვლა, მაგრამ არის კონტაქტები, ტვირთბრუნვა. ჩვენ მთლიანად თავიდან ვერ ავიცილებთ გარკვეულ მიკროაფეთქებებს და მატებას, მაგრამ ყურადღებით ვაკვირდები და ეს მიკროაფეთქებები და ლოკალური მატებები არ გასცდენია იმ ზღვარს, რომლის შემდეგაც ჩვენ შეიძლება ვიფიქროთ, რომ ადგილი ექნება ქვეყანაში ფართო გავრცელებას. ასევე, საქართველომ არა მარტო მიაღწია სხვა ქვეყნებთან შედარებით ყველაზე დიდ წარმატებას კოვიდთან ბრძოლაში, როგორც შემთხვევების სიმცირის მხრივ, ისე გარდაცვლილთა სიმცირის მხრივ. მთავარი, გაცილებით მნიშვნელოვანი ის არის, რომ საქართველო ჯერჯერობით არის ერთადერთი ქვეყანა, სადაც მიღწეული შედეგები აღმოჩნდა მდგრადი. ყველგან, სადაც მოხსნეს შეზღუდვები, ყველა ქვეყანაში დაფიქსირდა მკვეთრი მატება და არა ისეთი, როგორიც ჩვენთან“,- განაცხადა ცერცვაძემ.

როგორც ცერცვაძე აცხადებს, ფაქტი, რომ საქართველოში კორონავირუსით გარდაცვალების მცირე რაოდენობა დაფიქსირდა, ექიმებისა და სამთავრობო გუნდის ეფექტიანი ღონისძიებების შედეგია.

„საქართველოში დაბალი მაჩვენებელი გარდაცვალების არ იყო შემთხვევითი. ეს იყო შედეგი ექიმების და სამთავრობო გუნდის გააზრებული და ძალიან ეფექტიანი საპასუხო ღონისძიებების და ის, რომ ეს შედეგები დღემდე მდგრადია, ეს მაძლევს საფუძველს ვიფიქრო, რომ ასეც დარჩება.

გვქონდა დაახლოებით 8-9 ასეთი მიკროაფეთქების შემთხვევა: მარნეული, თეთრიწყარო, ბოლნისი, ლენტეხი, ქობულეთი, ვანი, მესტია - ყველაგან მიღებული იქნა მყისიერი ზომები და ეს მიკრომატება ლოკალიზებული იყო მაქსიმუმ 2 კვირაში. იგივე მოხდება მესტიაში“,- განაცხადა ცერცვაძემ.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 19.04.2021
ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
დედამიწის დღე 2021: დედამიწის ეკოლოგიური მდგომარეობის აღდგენის უპრეცედენტო შესაძლებლობა
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა