„ევროპული საქართველოს“ ერთ-ერთმა ლიდერმა, ზუგდიდის ოლქის მაჟორიტარობის კანდიდატმა გიგი უგულავამ, ზუგდიდში პლაკატები გააკრა, რომელზეც ბიძინა ივანიშვილის კარიკატურა არის გამოსახული.
მისი განცხადებით, დღეს ზუგდიდში „ევროპული საქართველოს“ საარჩევნო პლაკატებს „ქართული ოცნების“ საარჩევნო პლაკატები გადააკრეს.
როგორც უგულავამ აღნიშნა, კარიკატურების გაკვრა მისი მხრიდან პასუხია „ქართული ოცნების“ „ველურ საქციელზე“.
„დღეს ზუგდიდს სტუმრობს გიორგი გახარია და მთელი ღამის განმავლობაში ვაჟბატონი, ჩიქოვანის თანამედროვე კომკავშირელის შტაბმა, გადაწყვიტა მისთვის საჩუქარი მიეძღვნა და იმ მარშრუტზე, სადაც გახარია გაივლის, ჩემს პლაკატებს ბატონი ჩიოქოვანის პლაკატები გადააკრეს. ბატონ ჩიქოვანს მინდა ვუთხრა, რომ ძველი ქართული კინოფილმები მაინც ნახოს და იცოდეს, რომ თავიდან ვერ წაშლი. სირცხვილია შერვარდნაძის დროინდელი ტაქტიკით მუშაობა, ადრე სადაც შევარდნაძე ჩადიოდა, მარტო იქ აგებდნენ ხოლმე ასფლატს, ახლა პლაკატები დაახვედრეს, თითქოს მე აქ არ ვარსებობ. ველურობაზე მე არ ვპასუხობ ველურობით, ამიტომ ჩვენ ამ პლაკატებით დავხვდებით პრემიერ-მინისტრს, სადაც კარიკატურულად არის გამოსახული ბატონი ივანიშვილის გაძევება ზუგდიდიდან. დღეს მთლიანად იმ მარშრუტზე, სადაც გახარია იმოძრავებს დახვდება მას ივანიშვილი, რომელსაც ჩემოდანი აქვს ჩალაგებული და იპარავს ზუგდიდის აბრას“, - განაცხადა უგულავამ.