აჭარის ტელევიზიის თანამშრომლებს კორონავირუსი არ დაუდასტურდათ
საზოგადოებრივი მაუწყებლის აჭარის ტელევიზიისა და რადიოს თანამშრომლებს ლაბორატორიული კვლევის შედეგად კორონავირუსი არ დაუდასტურდა.
როგორც აჭარის ჯანდაცვის სამინისტროში განაცხადეს, პრევენციის მიზნით არხის 149 თანამშრომლის ნიმუში გამოიკვლიეს.
როგორც ცნობილია, გუშინ ბათუმის ერთ-ერთ პოლიკლინიკაში ლაბორატორიული კვლევის შედეგად აჭარის ტელევიზიის ერთ თანამშრომელს კორონავირუსი დაუდასტურდა. ინფიცირებულმა პირმა კლინიკას თვითდინებით მიმართა, რომელსაც სიმპტომები აღენიშნებოდა. გუშინ მთელი დღის განმავლობაში, აჭარის ტელევიზიის შენობაში ეპიდემიოლოგები მუშაობდნენ.
შეგახსენებთ, რომ ბათუმის რესპუბლიკურ საავადმყოფოში კორონავირუსით ინფიცირებული 74 ადამიანი მკურნალობს. მათი უმრავლესობა ე.წ დონას კლასტერს მიეკუთვნება. 8 ინფიცირებულის წყაროს ეპიდემიოლოგები იკვლევენ.
