გერმანიაში, ბოლო 24 საათში, კორონავირუსის 814 ახალი შემთხვევა დადასტურდა და ინფიცირებულთა საერთო რაოდენობა 250 799-მდე გაიზარდა, - შესაბამის მონაცემებს რობერტ კოხის ინსტიტუტი ავრცელებს.

ამავე მონაცემების თანახმად, გასული დღე-ღამის განმავლობაში ვირუსით არავინ გარდაცვლილა და დაღუპულთა რიცხვი კვლავ 9 325-ია.

რაც შეეხება გლობალურ მონაცემებს, Worldometers-ის მიერ გამოქვეყნებული სტატისტიკის თანახმად, მსოფლიოში, პანდემიის დაწყების დროიდან, ინფიცირების 27 293 825 შემთხვევაა დადასტურებული, აქედან გამოჯანმრთელებულია 19 378 823 და დაღუპულია 887 557 ადამიანი.