ოზურგეთში, დაბა ლაითურში კორონავირუსის ორი ახალი შემთხვევა დაფიქსირდა. საზოგადოებრივი ჯანდაცვის ადგილობრივი ცენტრის ინფორმაციით, 15 წლის მოზარდს და შუა ხნის ქალს კონტქტი ჰქონდათ 62 წლის კოვიდინფიცირებულთან.

„როგორც იცით, გუშინ დადგენილი იქნა 32 კონტაქტი. ნაწილი ანალიზის პასუხებისა უკვე ცნობილია, ნაწილს კი ველოდებით. დღეს დაგვემატა ორი ინფიცირებული. ორივე ლაითურელი ქალის კონტაქტია. ეპიდემიოლოგები ახლა აღნიშნული პირების კონტატების მოძიებასა და ტესტირებას გეგმავენ“, - აცხადებს საზოგადოებრივი ჯანდაცვის ოზურგეთის ცენტრის ხელმძღვანელი , არჩილ მჟავია.

დღეისათვის გურიაში კოვიდ ინფექციის 6 შემთხვევაა დადასტურებული, აქედან 4 ოზურგეთის და 2 ჩოხატაურის მუნიციპალიტეტში.