მარიანა ჩოლოიანის ადვოკატი - სასამართლომ სამართლიანობის ტესტი ვერ ჩააბარა

15 წლის მოზარდის, ლუკა სირაძის საქმეზე ბრალდებული მარიანა ჩოლოიანის ადვოკატის, გაგი მოსიაშვილის განცხადებით, მარიანა ჩოლოიანის მიმართ გამოტანილი განაჩენი პოლიტიკურია.

როგორც ადვოკატმა ჟურნალისტებს განუცხადა, “დღევანდელი განაჩენით თბილისის საქალაქო სასამართლომ სამართლიანობისა და გულისხმიერების ტესტი ვერ ჩააბარა”.

“განაჩენი, რომელიც გამოცხადდა, უფრო არის პოლიტიზირებული და არა ობიექტური და სამართლიანი. ცინიკურია თუმცა ფაქტია, რომ თ.ზ-ს ნაწილში გამართლდა მარიანა ჩოლოიანი და გარდაცვლილი ლუკა სირაძის ნაწილში გამტყუნდა, სადაც ბრალდების სახელმძღვანელოდ ბოლო წუთამდე იყო დაზარალებული დედის ჩვენება, რომელიც იყო დაინტერესებული და სუბიექტური. ჩვენ ვაპირებთ სამართლიანობისთვის ბრძოლას, თუმცა თუ შემდეგი ინსტანციებიც ამგვარი დაკვეთის შემსრულებლები აღმოჩნდნენ, სადაც სამართლიანობა და გულისხმიერება არ იქნება გაზიარებული, ამ შემთხვევაში ჩვენი ბრძოლა სამართლიანობისათვის არ დამთავრდება კარგად. ჩვენ ვაპირებთ ბრძოლას იმიტომ, რომ მარიანა ჩოლოიანმა წარდგენილ ბრალთან დაკავშირებით აბსოლუტურად დაუსაბუთებლად მიიღო დღეს განაჩენი”,- განაცხადა ადვოკატმა.

მოსიაშვილის ინფორმაციით, ექსპერტიზით დადასტურებულია, რომ თვითმკვლელობის მომენტში ლუკა სირაძე ნარკოტიკული ზემოქმედების ქვეშ იმყოფებოდა.

„მე აქამდე თავს ვიკავებდი, არ მინდა მედიასაშუალებები ყოფილიყვნენ კვაზი სასამართლოს ფუნქციის შესრულების წინაპირობა, რაც სამწუხაროდ, ჩვენს რეალობაში ხდება. ლუკა სირაძე იყო ნარკოტიკული ზემოქმედების ქვეშ, რომელზეც არავინ არასდროს საუბრობდა, ეს უმნიშვნელოვანესი დასკვნა იქნება გასაჯაროვებული. დედის პოზიცია გახლდათ ის, თითქოს მარიანა ჩოლოიანმა მიიყვანა ლუკა სირაძე იმ მდგომარეობამდე, რომ ის გადმოხტა კორპუსიდან. ექსპერტიზის დასკვნით დადასტურებულია, რომ ლუკა სირაძე ნარკოტიკული ზემოქმედების ქვეშ იმყოფებოდა. მხოლოდ დედის განცხადება არ არის საკმარისი. დედის ინტერესი იყო გარდაცვლილი შვილის მდგომარეობა. დედა სასამართლოზე აცხადებდა, რომ მას და მის შვილს ბუნებრივი მოთხოვნილების დაკმაყოფილებაც კი აუკრძალეს, თუმცა ვიდეოჩანაწერებში ჩანს, რომ ისინი შედიან საპირფარეშოში, თუნდაც ეს ელემენტარული არის ის მნიშვნელოვანი გარემოება, რომელიც მიუთითებს, რომ დედის მიერ მიცემული ინფორმაცი არის სუბიექტური.

დღეს თბილისის საქალაქო სასამართლომ სამართლიანობის ტესტი ვერ და არ ჩააბარა. ჩვენ ვაპირებთ სამართლებრივ ბრძოლას და ეს ბრძოლა იქნება მარიანა ჩოლოიანის გამართლებამდე“, - აღნიშნა გაგი მოსიაშვილმა.

ცნობისთვის, 15 წლის მოზარდის ლუკა სირაძის გარდაცვალების საქმეზე გამომძიებელ მარიამ ჩოლოიანს დღეს 3 წლით თავისუფლების აღკვეთა მიესაჯა.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა