ფოტოკონკურსი „ვეტერანი" იწყება

ვეტერანების საქმეთა სახელმწიფო სამსახური, ვეტერანის დღისადმი მიძღვნილი ღონისძიებების ფარგლებში, ფოტოკონკურსს აცხადებს, სახელწოდებით - „ვეტერანი." ამის შესახებ „ინტერპრესნიუსს“ ვეტერანების საქმეთა სახელმწიფო სამსახურიდან აცნობეს.

მათივე ცნობით, საკონკურსო ფოტოების მიღება 5 სექტემბერს დაიწყება და 3 ოქტომბრამდე გაგრძელდება. ფოტოები, რომლებიც საზოგადოებაში ყველაზე მეტ მოწონებას დაიმსახურებს, გამარჯვებულად ვეტერანის დღეს, 17 ოქტომბერს გამოვლინდება.

„იმისათვის, რომ ფოტომ კონკურსში მონაწილეობა მიიღოს, ის კონკურსის თემატიკას უნდა აკმაყოფილებდეს. ამასთან, უნდა იყოს მაღალი ხარისხის, არანაკლებ 2000 პიქსელისა. ფოტო უნდა იყოს მონაწილის გადაღებული. ფოტოკონკურსში მონაწილეობას ვერ მიიღებს გრაფიკული დიზაინით ან ფოტო-მონტაჟით შექმნილი ფოტოები;

ვეტერანების საქმეთა სახელმწიფო სამსახური უფლებამოსილია, კონკურსიდან მოხსნას ფოტო, რომელიც არ შეესაბამება თემატიკას, ზემოთ მითითებულ წესებსა და პირობებს.

I,II, III ადგილზე გასული ფოტოს ავტორებს, ასევე ვეტერანების საქმეთა სახელმწიფო სამსახურის რჩეული ფოტოს ავტორს საცუქრად მობილური ტელეფონები გადაეცემათ.კონკურსში მონაწილეობის მსურველებმა ფოტოები უნდა გამოაგზავნონ ელექტრონული ფოსტის მისამართზე: info@veterans.gov.ge,“ - ნათქვამია ინფორმაციაში.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა