პარტია „ალეკო ელისაშვილი - მოქალაქეების" სახელით ბათუმის მაჟორიტარობისთვის გენრი დოლიძე იბრძოლებს​

ალეკო ელისაშვილმა პარტია "მოქალაქეების" სახელით, ბათუმის მაჟორიტარი დეპუტატობის კანდიდატად გენრი დოლიძე წარადგინა.

გენრი დოლიძის თქმით, ის იბრძვის „მანკიერი სისტემის შეცვლისთვის“.

"დღეს უმნიშვნელოვანესი დღეა ჩემს ცხოვრებაში. "მოქალაქეების" პოლიტიკურმა გუნდმა ბათუმის მაჟორიტარი დეპუტატობის კანდიდატად წარმადგინა. მალე, 32 წლის ვხდები და ზუსტად ნახევარი ცხოვრებაა, რაც სამოქალაქო აქტივისტი ვარ. 16 წლიდან, სკოლის პერიოდიდან ვემსახურები ჩემი ქალაქის კულტურული ცხოვრების გააქტიურებას, ვიბრძვი მანკიერი სისტემის შეცვლისთვის სამოქალაქო სექტორიდან და დღეიდან მეძლევა შესაძლებლობა ამომრჩევლის მხარდაჭერის შემთხვევაში, ჩემი ქალაქისა და ქვეყნის უკეთესობისთვის ქმედითი ბერკეტებით ვიზრუნო - ქვეყნის უმაღლეს საკანონმდებლო ორგანოში" , - მიმართა სიტყვით გამოსვლისას ბათუმელებს გენრი დოლიძემ.

ალეკო ელისაშვილის თანაგუნდელისა და ბათუმის მაჟორიტარობის კანდიდატის თქმით, ის ყველაზე მტკივნეულად ბათუმიდან ახალგაზრდების გადინებას განიცდის.

"მათ ვერ ვამტყუნებ, რადგან აქ ვერ ხედავენ პერსპექტივას. უნდათ უკეთეს ქალაქში ცხოვრება. მე და ჩემი გუნდი პარლამენტში მოხვედრის შემთხვევაში, ვიზრუნებთ რომ ბათუმი გავხადოთ უკეთესი ქალაქი, რათა მომავალმა თაობამ იცხოვროს უკეთეს გარემოში ადგილზე" , - ამბობს გენრი დოლიძე.

„მოქალაქეების“ პრესსამსახურის ინფორმაციით, გენრი დოლიძე სამოქალაქო აქტივისტი და პოეტია. წლების განმავლობაში ბათუმში ახალგაზრდულ პროექტებზე მუშაობდა. აქტიურად იყო ჩართული საპროტესტო აქციებში, რომლებიც არჩვენების პროპორციული გზით ჩატარებას მოითხოვდა. ერთ-ერთი ასეთი აქციის დროს სპეცრაზმს წინ გადაუწვა, მოგვიანებით კი თავისი გადაწყვეტილება ასე განმარტა - "მე ვარ შეურაცხყოფილი, ხელისუფლებამ წამართვა არჩევანის უფლება და პროპორციული არჩევნების უფლება. დავწექი და ჩემმა სახელმწიფომ გადამიარა თავზე".

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება