კორონავირუსით დაინფიცირებული სენაკელი მედიკოსის 40-მდე კონტაქტია გამოკვლეული, დაახლოებით 75 პირს კი „პისიარ“ ტესტი ჩაუტარდა. ამის შესახებ ჟურნალისტებს გუბერნატორის მოვალეობის შემსრულებელმა მალხაზ თორიამ განუცხადა.
მისივე ინფორმაციით, მუნიციპალიტეტების ჩაკეტვა ან სასწავლო პროცესის გადადება არ იგეგმება.
"მოგეხსენებათ, რომ სენაკელ ქალბატონს დაუდასტურდა კორონავირუსი, რომელიც მუშაობდა „არქიმედეში“ და ასევე ფოთის საავადმყოფოში. ამ ეტაპისთვის გამოკვლეულია 40-მდე სავარაუდო კონტაქტი, ხოლო „პისიარ“ ტესტი გაუკეთდა დაახლოებით, 75 პირს. ეპიდემიოლოგიური კვლევა მიმდინარეობს და აღნიშნულიდან გამომდინარე ზუსტ ციფრს ვერ მოგახსენებთ, რადგან ეს ციფრი იცვლება",- განაცახადა მალხაზ თორიამ.