ამირან გამყრელიძე - ადამიანებს, რომელთაც 20 აგვისტოს შემდეგ, „დონაში“ ყოფნის ისტორია აქვთ, შეუძლიათ ტესტი სახელმწიფოს ხარჯზე ჩაიტარონ

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, ბათუმში და ქობულეთში რამდენიმე წერტილია, სადაც ნებისმიერ ადამიანს შეუძლია მივიდეს და კორონავირუსზე ტესტი აიღოს, ჩაიტაროს PCR კვლევა.

გამყრელიძის თქმით, ამისთვის სამი კარავია განთავსებული: ბათუმის ბულვარში, ბათუმის ხუთ პოლიკლინიკაში და ქობულეთში მერიის წინ.

რაც შეეხება იმ ადამიანებს, ვინც იმოგზაურეს აჭარაში და ჩავიდნენ თბილისში, ქუთაისში ან სხვა რაიონებში, თუ ასეთ ადამიანებს 20 აგვისტოს შემდეგ აქვთ საკონდიტრო კაფე „დონაში“ ყოფნის ისტორია, მათ საქართველოს მასშტაბით ნებისმიერ ადგილზე, სადაც ტესტირებების წარმოება შეუძლიათ, მივიდნენ და ტესტი ასევე სახელმწიფოს ხარჯზე ჩაიტარონ.

„ასევე ის ადამიანები, ვინც ჩაქვში, სასტუმრო „ოაზისში“ 30-31 აგვისტოს იყვნენ ტესტის აღება და PCR გამოკვლევის ჩატარება სახელმწიფოს ხარჯზე შეუძლიათ. დანარჩენ ადამიანებს, ვისაც მოგზაურობის ისტორია აქვთ აჭარაში, ეძლევათ რეკომენდაცია, რომ საკუთარი ჯანმრთელობის თვითმონიტორინგი აწარმოონ, დაახლოებით 7-დან 14 დღემდე. თუ ამ ხნის განმავლობაში მათ ნებისმიერი მიზეზით ტემპერატურა, სუნთქვის გაძნელება, ხველება, დიარეა უვლინდებათ, ასეთ შემთხვევაში შეუძლიათ მივიდნენ ლაბორატორიებში, სადაც PCR ტესტირება წარმოებს, ნიმუში აიღონ და ჩაიტარონ PCR გამოკვლევა. ამ ყველაფერს სახელმწიფო აფინანსებს.

ის მოქალაქე, რომელიც არ ყოფილა - ბათუმში მდებარე კაფე „დონაში“, სასტუმრო „ოაზისში“, უბრალოდ იყო გონიოში, ბათუმში ან ქობულეთში და საკუთარი ინტერესი აქვს კორონავირუსზე კვლევა ჩაიტაროს, თუმცა არ აქვს სიმპტომები, მას ამ კვლევის ჩატარება შეუძლია, მაგრამ ასეთ შემთხვევაში გამოკვლევის ღირებულების ანაზღაურება თავად მოუწევს“, - განაცხადა გამყრელიძემ.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
„ლუტეცია ჯგუფი“ ვახტანგ ფხაკაძის სახელობის საქველმოქმედო ფონდს აარსებს
ახალი სერვისი არააქტიური მოპოვების ლიცენზიის მფლობელებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“