ბათუმის იუსტიციის სახლისა და გარემოს ზედამხედველობის სამსახურის თანამშრომლებს, ასევე აჭარის ჯანდაცვის მინისტრის ძმას კორონავირუსი დაუდასტურდა

ბათუმის რესპუბლიკურ საავადმყოფოში კორონავირუსით ინფიცირებული 104 პაციენტი მკურნალობს. როგორც აჭარის საზოგადოებრივი ჯანდაცვის ცენტრის ხელმძღვანელი რუსუდან შავიშვილი აცხადებს, პაციენტების ჯანმრთელობის მდგომარეობა სტაბილურია. მისი ინფორმაციით, ორი ინფიცირებულის წყაროს დადგენა მიმდინარეობს.

ასევე კორონავირუსი ბათუმის იუსტიციის სახლის ერთ თანამშრომელს დაუდასტურდა.

"გასული 24 საათის განმავლობაში 21 ახალი შემთხვევაა, 3 ე.წ. ხოფას ბაზრობის თანამშრომელია, 1 იუსტიციის სახლის თანამშრომელი, ორი წყარო კი უცნობია, დანარჩენი ინფიცირებულები უკვე დადასტურებულ შემთხვევებთან კონტაქტს წარმოადგენენ, ნაწილი თვითიზოლაციაში, ნაწილი კი საკარანტინო სივრცეში იმყოფებოდა და იქ არის გამოვლენილი. გასული 24 საათის განმავლობაში ხოფას ბაზრობას 3 ახალი შემთხვევა უკავშირდება. ბაზრობა დახურული იქნება, ვიდრე ტესტირება არ დასრულდება. იქ ეპიდემიოლოგები იმყოფებიან. მოსახლეობამ ბაზრობის მიმდებარედ პოლიკლინიკებს მიმართეს. ერთი დადასტურებული შემთხვევა გახლავთ იუსტიციის სახლის თანამშრომელი, მთლიანად შენობის დეზინფექცია მოხდა და იგეგმება თანამშრომლების ტესტირება. ვისაც ნაკლები შემხებლობა ჰქონდა ამ პირთან ისინი გააგრძელებენ მუშაობას. „დონას“ შემთხვევები კი უკვე დადასტურებულ შემთხვევებთან კონტაქტია. რაც შეეხება აჭარის ჯანდაცვის მინისტრს ნინო ნიჟარაძეს, რომლის ძმაც არის ინფიცირებული, მას არანაირი შეხება არ ჰქონია მინისტრთან. მინისტრის ძმა თავდაპირველად კვლევაში იყო და უარყოფითი დაფიქსირდა და განმეორებით კი დაუდასტურდა. ინფიცირებულ პედაგოგთან დაკავშირებით კი, სწავლის პროცესი არ არის დაწყებული, თუმცა მას კოლეგებთან შეხება ჰქონდა და ტესტირება მოხდა თანამშრომლების. გუშინ საკეისრო კვეთა ჩაუტარდა ინფიცირებულ ქალს - დედაც და შვილიც თავს კარგად გრძნობს“, - განაცხადა შავიშვილმა. მისივე თქმით, ბათუმის რესპუბლიკურ საავადმყოფოში 104 პაციენტია.

„აჭარაში მძიმე პაციენტი არ არის. გარემოს ზედამხედველობის სამსახურის თანამშრომელიც არის ინფიცირებული. კარვებსა და პოლიკლინიკებიდან ლაბორატორიაში 1000 ტესტია შესული გამოსაკვლევად",- აცხადებს რუსუდან შავიშვილი.

აღსანიშნავია, რომ ბათუმის იუსტიციის სახლმა, შენობის სრული დეზინფექციის მიზნით, დროებით ფუნქციონირება შეწყვიტა.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება