რელიგიის საკითხთა სახელმწიფო სააგენტო სომხურ სამოციქულო ეკლესიას და საქართველოს სომეხ მოქალაქეებს ყოვლადწმინდა ღვთისმშობლის შობის დღეს ულოცავს.
„სომხური სამოციქულო ეკლესია დღეს ყოვლადწმინდა ღვთისმშობლის შობას აღნიშნავს.
ღვთისმშობელი ნაზარეთში დაიბადა. მარიამი ის რჩეული იყო, რომელსაც ღმერთმა თავისი სათნოების და ღირსებებისთვის ღვთის დედად ყოფნის მადლი მიანიჭა.
რელიგიის საკითხთა სახელმწიფო სააგენტო ულოცავს სომხურ სამოციქულო ეკლესიასა და მრევლს, საქართველოს სომეხ მოქალაქეებს ყოვლადწმინდა ღვთისმშობლის შობის დღეს“, -აღნიშნულია ინფორმაციაში.