მომავალში ალექსანდრე ლუკაშენკოსთან გაფორმებულ ნებისმიერ საერთაშორისო ხელშეკრულებას ბელარუსის დემოკრატიულად არჩეული მთავრობა არ დაიცავს, - ამის შესახებ ბელარუსის ოპოზიციონერმა პოლიტიკოსმა სვეტლანა ტიხანოსვკაიამ განაცხადა.
„ქვეყნები ან პარტიები არ შეიძლება და არ უნდა ელოდნენ, რომ ბელარუსი ხალხი და მათი დემოკრატიულად არჩეული მთავრობა არალეგიტიმური რეჟიმის მიერ მათი სურვილის საწინააღმდეგოდ გაფორმებულ ხელშეკრულებებს დაიცავს. ლუკაშენკოს, როგორც ჩვენი ქვეყნის პრეზიდენტს, არანაირი ლეგიტიმაცია არ გააჩნია. ის ბელარუსს აღარ წარმოადგენს“, - აღნიშნა ტიხანოვსკაიამ, რომელმაც დღეს ევროპის საბჭოს კომიტეტს ვიდეო ჩართვის საშუალებით ლიეტუვადან მიმართა.
ცნობისთვის, გუშინ ლიეტუვას საგარეო საქმეთა მინისტრმა ლინას ლინკევიჩიუსმა განაცხადა, რომ რუსეთთან ღრმა ინტეგრაციაზე ხელშეკრულების გაფორმებით ლუკაშენკო საკუთარი ქვეყნის დამოუკიდებლობას თმობდა.