თერჯოლაში, პუშკინის ქუჩის მოსახლეობა წყლის განახლებული ინფრასტრუქტურით ისარგებლებს

გაერთიანებული წყალმომარაგების კომპანიამ, ქალაქ თერჯოლაში, პუშკინის ქუჩაზე არსებული წყლის ამორტიზებული მილის რეაბილიტაციის სამუშაოებისთვის ტენდერი გამოაცხადა. ამის შესახებ „ინტერპრესნიუსს“ გაერთიანებული წყალმომარაგების კომპანიიდან აცნობეს.

მათივე ცნობით, ტენდერში მონაწილეობისთვის წინადადებების მიღება მიმდინარე წლის 17 სექტემბრამდე გაგრძელდება. გამარჯვებულმა კონტრაქტორმა კომპანიამ სამუშაოები ხელშეკრულების გაფორმებიდან ორ თვეში უნდა დაასრულოს.

„პუშკინის ქუჩაზე ამორტიზებული მილის გამო, ხშირია წყლის დანაკარგების და ქსელის დაზიანების შემთხვევები, რაც წყალმომარაგების შეზღუდვას იწვევს. მოსახლეობას წყალი დღის განმავლობაში 7-8 საათით მიეწოდება.

წყლის ხარჯისა და წნევის დანაკარგების გათვალისწინებით ძველი ამორტიზებული მილი სრულიად ახალი, პოლიეთილენის მილით შეიცვლება.

სამუშაოების დასრულების შემდეგ, პუშკინის ქუჩის მოსახლეობას წყლის მიწოდება გაუუმჯობესდება. პროქტის სავარაუდო ღირებულება 160 000 ლარზე მეტია“, - ნათქვამია ინფორმაციაში.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს