ბელარუსის პრეზიდენტი ალექსანდრე ლუკაშენკო არ გამორიცხავს ვადამდელი საპრეზიდენტო არჩევნების ჩატარებას მას შემდეგ, რაც ქვეყანაში საკონსტიტუციო რეფორმები განხორციელდება.

„ჩვენ მზად ვართ ჩავატაროთ საკონსტიტუციო რეფორმა. ამის შემდეგ, არ გამოვრიცხავ ვადამდელ საპრეზიდენტო არჩევნებს“, – „ინტერფაქსის“ ცნობით, ლუკაშენკოს ეს სიტყვები მოჰყავს რადიოსადგულ „გავარიტ მასკვას“ მთავარ რედაქტორს რომან ბაბაიანს, რომელიც ბელარუსის ლიდერთან ინტერვიუში მონაწილეობდა.

საკონსტიტუციო რეფორმის გატარებაზე ალექსანდრე ლუკაშენკო აქტიურად საუბრობს. მის ამ ინიციატივას მხარს უჭერს მოსკოვი, სადაც მიაჩნიათ, რომ საკონსტიტუციო რეფორმა ოპტიმალური ფორმატია ბელარუსში ვითარების დასარეგულირებლად.