კრემლი არ არის მზად აღიაროს, რომ ბელარუსში პოლიტიკური პატიმრები არიან, - ამის შესახებ რუსეთის პრეზიდენტის პრესსპიკერმა დიმიტრი პესკოვმა განაცხადა, რითაც ის ბელარუსის ოპოზიციის საკოორდინაციო საბჭოს წევრის, მარია კოლესნიკოვას დაკავების ფაქტს გამოეხმაურა.

„მთლიანობაში, ჩვენ არ ვართ მზად იმისთვის, ვაღიაროთ, რომ ბელარუსში პოლიტიკური პატიმრები არიან,“- განაცხადა პესკოვმა.

შეგახსენებთ, დღეს ცნობილი გახდა, რომ მარია კოლესნიკოვა, რომელიც თვითმხილველების ინფორმაციით, გუშინ მინსკის ცენტრიდან გაიტაცეს, უკრაინის საზღვარზე დააკავეს.