ფოთში, ,,კოვიდ 19"-ით ინფიცირებულ მამაკაცთან კონტაქტში მყოფი 59 ადამიანის ტესტირების შედეგებს ელოდებიან.
საზოგადოებრივი ჯანდაცვის ადგილობრივი ცენტრის ინფორმაციით, შედეგები გვიან ღამით გახდება ცნობილი.
,,59 ადამიანი დაიტესტა, რომელთაც კონტაქტი ჰქონდათ ვირუსით ინფიცირებულთან. პასუხები, სავარაუდოდ, გვიან ღამით გვეცოდინება. ჯერჯერობით დაუდგენელია, სად და ვისგან გადაედო მას ,,კოვიდ 19". ფოთიდან არსად არ არის გასული, ასე რომ, წყაროს ვეძებთ შიგნით ქალაქში“, - განაცხადა საზოგადოებრივი ჯანდაცვის ცენტრის დირექტორის მოადგილემ, ზინაიდა გაგუამ.
შეგახსენებთ, ფოთში დღეს კორონავირუსის პირველი შემთხვევა გამოვლინდა. ინფიცირებული მეხანძრე-მაშველია.