ასარჩევი თითქმის არაფერი არ არის, ძალიან კარგად იცის საზოგადოებამ, რა უნდა აირჩიოს, - ამის შესახებ საპარლამენტო უმრავლესობის ერთ-ერთმა ლიდერმა დავით მათიკაშვილმა ტელეკომპანია „პალიტრანიუსის“ გადაცემა „დღის ნიუსრუმში“ განაცხადა.

მან ქვეყანაში 2012 წლამდე და დღეს არსებულ მდგომარეობას შორის სხვაობაზე ისაუბრა და განმარტა, რომ თუ წინა ხელისუფლების პირობებში ქაოსი და შიში იყო, დღეს ქვეყანაში სიმშვიდე და დემოკრატიულობაა.

„მარტივი შედარებაა, რა იყო 2012 წლამდე და რა არის დღეს - იყო ქაოსი, უიმედობა, იყო შიში. ყოველდღიური, ყოველწუთიერი შიში, რომ ან ქვეყნის შიგნით გისმენდნენ და გიჭერდნენ, ან ქვეყნის გარედან მოდიოდა საფრთხე. დღეს არის სიმშვიდე, დემოკრატიული განვითარება, დღეს არის მეურნმეობისა და საწარმოების იმ მასშტაბით აღორძინება, რის საშუალებასაც ჩვენი ეკონომიკა და კოვიდსიტუაცია გვაძლევს, ამიტომ ასარჩევი თითქმის არაფერი არ არის, ძალიან კარგად იცის საზოგადოებამ, რა უნდა აირჩიოს,“- განაცხადა მათიკაშვილმა.