"მოგვეცით სწავლის უფლება",- ამ ლოზუნგით აბიტურიენტებმა აჭარის მთავრობის სახლთან საპროტესტო აქცია გამართეს.
მათი განცხადებით, ისინი უმაღლეს სასწავლებლებში მეორად ჩარიცხვებს ითხოვენ და აცხადებენ, რომ საგამოცდო ბარიერი გადალახეს, თუმცა სასურველ სასწავლებლებში ვერ მოხვდნენ.
აქციის მონაწილეები განათლების მინისტრთან შეხვედრას მოითხოვენ, რადგან მათ მიაჩნიათ, რომ განათლების სამინისტროს აქვს შესაძლებლობა ისინი განათლების გარეშე არ დატოვოს.