ამ დროისთვის თელავში, თბილისიდან ჩასული ინფიცირებული ექიმის 19 კონტაქტია დადგენილი. ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის კახეთის განყოფილების უფროსმა განაცხადა.

ნელი ხიზანიშვილის თქმით, ეპიდემიოლოგები აგრძელებენ დამატებით კონტაქტების მოძიებას. რაც შეეხება 19 პირს, მათ ბიოლოგიური ნიმუში უკვე აუღეს და პასუხი ხვალ იქნება ცნობილი. მანამდე ისინი თვითიზოლაციაში იქნებიან.

თელავში მდებარე „ევექსის“ კლინიკას კორონავირუსის სიმპტომებით თბილისში მცხოვრებმა, პროფესიით ანგიოლოგმა მიმართა. ჩატარებულმა სწრაფმა ტესტმა covid -19 ზე დადებითი პასუხი აჩვენა.

დაინფიცირებული ქალი ერთდროულად თბილისის რამდენიმე კლინიკაში მუშაობს. მას ახმეტისა და თელავის მუნიციპალიტეტებში რამდენიმე ოჯახთან ჰქონდა შეხება.