უხვმა ნალექმა კასპის მუნიციპალიტეტში პრობლემები შექმნა. რამდენიმე ლოკაციაზე დაიტბორა საცხოვრებელი სახლების პირველი სართულები.
კასპში კი, ერთ-ერთი საცხოვრებელი სახლის მეორე სართულზე ავარიული აივანი ჩამოინგრა და მამაკაცი, რომელიც აღნიშნულ აივანზე იმყოფებოდა, მსუბუქად დაშავდა.
შინაგან საქმეთა სამინისტროს საგანგებო სიტუაციების მართვის სამსახურში ,,ინტერპრესნიუსს“ განუცხადეს, რომ მუნიციპალიტეტის ტერიტორიაზე 5 გამოძახება დაფიქსირდა, საიდანაც შიდა ქართლის საგანგებო სიტუაციების მართვის მთავარი სამმართველოს თანამშრომლების ჩარევა სამ ლოკაციაზე გახდა საჭირო.
ამ ეტაპზე, კვლავ გრძელდება უხვი ნალექის შედეგად შექმნილი პრობლემების სალიკვიდაციო სამუშაოები.