ფოთში, კორონავირუსით ინფიცირებულთან კონტაქტში მყოფ 59 პირს კორონავირუსი არ დაუდასტურდა. ამის შესახებ ინფორმაციას საზოგადოებრივი ჯანდაცვის ადგილობრივი ცენტრი ავრცელებს. მათივე ინფორმაციით, ეპიდემიოლოგიური კვლევა გრძელდება.
„გუშინ 59 ადამიანს ჩაუტარდა ტესტირება, რომლებსაც კონტაქტი ჰქონდათ ვირუსით ინფიცირებულთან. პასუხები ცნობილია. საბედნიეროდ, არც ერთ მათგანს „კოვიდ 19“ არ აღმოაჩნდა. ჯერჯერობით კვლავაც დაუდგენელია, სად და ვისგან გადაედო მას კოვიდი“, - განაცხადა საზოგადოებრივი ჯანდაცვის ფოთის ცენტრის დირექტორმა ნანა მხეიძემ.