„სინოჰიდრო“ - Powerchina/Sinohydro ხულო-ზარზმის გზის 42 კმ-იანი მონაკვეთს თანამედროვე ტექნოლოგიების გამოყენებით აშენებს

კომპანია POWERCHINA/Sinohydro (ფაუერჩაინა/სინოჰიდრო) უახლოეს მომავალში სახელმწიფოებრივი მნიშვნელობის ბათუმი (ანგისა)-ახალციხის საავტომობილო გზის ხულო-ზარზმის 42 მონაკვეთის სარეკონსტრუქციო სამუშაოების შესრულებას დაიწყებს. აღნიშნულის შესახებ „ინტერპრესნიუსს“ „სინოჰიდროდან“ აცნობეს.

მათივე ინფორმაციით, შეთანხმება კომპანიასა და საქართველოს რეგიონული განვითარებისა და ინფრასტრუქტურის სამინისტროს შორის მას შემდეგ შედგა, რაც POWERCHINA/Sinohydro-მ (ფაუერჩაინა/სინოჰიდრო) სამინისტროს მიერ გამოცხადებულ საერთაშორისო ტენდერში გაიმარჯვა.

კომპანიაში აცხადებენ, რომ გზის სარეკონსტრუქციო სამუშაოებს უახლოესი ტექნოლოგიების გამოყენებით შეასრულებენ. გარდა ამისა, სამუშაოების განხორციელება არ გადაიდება მსოფლიოში არსებული ეპიდვითარების გამო, რადგან POWERCHINA/Sinohydro-ს როგორც ტექნიკური, ისე თანამშრომლების ბაზა საქართველოში აქვს განთავსებული. შესაბამისად, კომპანიას არ მოუწევს არც ტექნიკური, არც ადამიანური რესურსის მობილიზება საზღვარგარეთიდან.

კომპანიაში ამბობენ, რომ აცნობიერებენ აღნიშნული პროექტის მნიშვნელობას და მოხარულები არიან, რომ ამ მიმართულებით საქართველოსთან თანამშრომლობას განაგრძობენ.

„ხულო-ზარზმის განახლებული გზა რეგიონისთვის სტრატეგიულად მნიშვნელოვანი მონაკვეთია, რომელიც სამცხე-ჯავახეთისა და აჭარის რეგიონებს დააკავშირებს. განახლებული გზით, ბათუმიდან ახალციხემდე მგზავრობის დრო 1.5 სთ-ით შემცირდება. პროექტს არაბთა ეკონომიკური განვითარების ქუვეითის ფონდი (KFAED) 95 მილიონი ლარით აფინანსებს.

POWERCHINA (ფაუერჩაინა) და მისი შვილობილი კომპანია Sinohydro (სინოჰიდრო) ერთ-ერთი უმსხვილესი სამშენებლო კომპანიაა ჩინეთში, რომელსაც ინფრასტრუქტურულ პროექტებზე მუშაობის დიდი გამოცდილება აქვს. 2009 წლიდან მოყოლებული, საერთაშორისო დონორების დაფინანსებით, „სინოჰიდრომ“ არაერთი მნიშვნელოვანი პროექტი განახორციელა საქართველოშიც“, - ნათქვამია ინფორმაციაში.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე