პარლამენტის შენობასთან შეკრებილი პატიმრების დედები 12 სექტემბერს ფართომასშტაბიან აქციას აანონსებენ

პარლამენტის შენობასთან შეკრებილი პატიმრების დედები 12 სექტემბერს, საყოველთაო ამნისტიის კანონპროექტის დაჩქარებული წესით განხილვის მოთხოვნით, ფართომასშტაბიან აქციას აანონსებენ.

მათ ამავე მოთხოვნით, პროტესტის ნიშნად შიმშილობა გუშინ დაიწყეს. როგორც აქციის ერთ-ერთმა ორგანიზატორმა, ადვოკატმა ალექსანდრე კობაიძემ განცხადა, შიმშილობა გაგრძელდება მანამ, ვიდრე აღნიშნული კანონპროექტის განხილვა არ მოხდება.

„12 სექტემბერს გავმართავთ ფართომასშტაბიან აქციას პარლამენტთან და ვაჩვენებთ ხელისუფლებას, რომ ძალიან ბევრნი ვართ. ციხეები გადაჭედილია და აუცილებელია, რომ სახელმწიფომ აიღოს ვალდებულება და ერთჯერადი ჰუმანური აქტით მოახდინოს ამნისტია.

გუშინ პატიმრების ოჯახის წევრებმა დაიწყეს შიმშილობა, ჩვენი მოთხოვნა არის, რომ მოხდეს ამნისტიის შესახებ კანონპროექტის განხილვა, რომელიც 1-ელ სექტემბერს დარეგისტრირდა პარლამენტში. შიმშილობა გაგრძელდება მანამ, ვიდრე ამ კანონპროექტის განხილვა არ მოხდება. იმედი მაქვს, რომ აღნიშნული კანონპროექტს განიხილავენ არჩევნებამდე, ვიდრე ლეგიტიმაცია კვლავ აქვს პარლამენტს იმ ფორმით, რა ფორმითაც არის წარმოდგენილი. ასევე, გამოვთქვამ იმედს, რომ ოფიციალური პირები შეგვხვდებიან ვიდრე კანონპროექტს განიხილავენ და მოხდება აზრთა გაცვლა-გამოცვლა“, - აღნიშნა ალექსანდრე კობაიძემ.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა