აჭარის ავტონომიური რესპუბლიკის უმაღლესი საბჭოს თავმჯდომარემ, დავით გაბაიძემ ბათუმში თურქეთის რესპუბლიკის გენერალურ კონსულთან, მაქბულე ქოჩაკთან გამოსამშვიდობებელი შეხვედრა გამართა. ამის შესახებ ინფორმაციას აჭარის ავტონომიური რესპუბლიკის უმაღლესი საბჭო ავრცელებს.

მათივე ცნობით, თურქეთის რესპუბლიკის გენერალური კონსული ბათუმში სამწლიან დიპლომატიურ საქმიანობას ასრულებს.

გამოსამშვიდობებელ შეხვედრაზე უმაღლესი საბჭოს თავმჯდომარემ თურქეთის რესპუბლიკის გენერალურ კონსულს მადლობა გადაუხადა ქვეყნებს შორის არსებული თანამშრომლობის გაღრმავებაში შეტანილი წვლილისათვის და მომავალ საქმიანობაში წარმატება უსურვა.