საქართველოში კორონავირუსის 44 ახალი შემთხვევიდან, 7 რუსთავში დაფიქსირდა. როგორც „ინტერპრესნიუსთან" საუბარში რუსთავის საზოგადოებრივი ჯანმრთელობის დაცვისა და უსაფრთხო გარემოს უზრუნველყოფის ცენტრის ხელმძღვანელმა დავით ბეგაშვილმა განაცხადა, მიმდინარეობს ინფიცირებული პირების კონტაქტების მოკვლევა.
„რუსთავში კორონავირუსით ინფიცირების 7 ახალი შემთხვევა დაფიქსირდა. მათგან ორი ერთმანეთის კონტაქტია, 5 კი ერთ-ერთი ოჯახის წევრი. მიმდინარეობს ეპიდემიოლოგიური კვლევა ინფიცირების პირველწყაროს დადგენის მიზნით", - განაცხადა დავით ბეგაშვილმა.