ბათუმში კორონავირუსზე გაფართოებული ტესტირების მიზნით გახსნილ კარვებსა და პოლიკლინიკებში დილიდან რიგებია.

მოქალაქეები კორონავირუსის პრევენციის მიზნით, ნიმუშებს აბარებენ.

როგორც "ინტერპრესნიუსთან" საუბრისას ისინი აცხადებენ, აჭარის რეგიონში ინფიცირების მაღალი მაჩვენებელი გამოიკვეთა და დაინფიცირების თავიდან აცილების მიზნით, უფასო ტესტირებას მიმართავენ.

"ახლახანს ბათუმის ბულვარში გახსნილ კარავთან მოვედი. მინდა ჩავაბარო ნიმუში და დავრწმუნდე, რომ საფრთხე არ მემუქრება და ოჯახის წევრებიც უნდა გაიტესტონ. ყოველდღე ამ რაოდენობის ინფიცირება, აჭარის რეგიონისთვის მეტისმეტად დიდია და ვთხოვ, ჩემს მეგობრებსა და ნათესავებს ჩაიტარონ ტესტირება",- აცხადებს ნანული ბერიძე.

შეგახსენებთ, რომ აჭარაში კორონავირუსის 25 ახალი შემთხვევა დღეს გამოვლინდა.