ფოთში კორონავირუსით ინფიცირებულ მეხანძრე-მაშველთან კონტაქტში მყოფი პირების მოკვლევა გრძელდება.
საზოგადოებრივი ჯანდაცვის ადგილობრივი ცენტრის ინფორმაციით, დღეს კიდევ კონტაქტში მყოფი 11 პირის ნიმუში ლაბორატორიაში გაიგზავნა.
,,დღეს კვლევები გავაგრძელეთ და კიდევ 11 კონტაქტირებული აღმოვაჩინეთ. საერთო ჯამში, მეხანძრესთან კონტაქტში მყოფთა რაოდენობა 70-მდე გაიზარდა. ახლების ნიმუში დღეს იგზავნება ლაბორატორიაში და პასუხი გვიან ღამით ან ხვალ გვეცოდინება. თვითონ პაციენტი მიდის აბსოლუტურად უსიმპტომოდ. ბოლო პერიოდში, თითქმის 80% პაციენტებისა ძალიან მსუბუქად მიდის ან აბსოლუტურად უსიმპტომოდ. ამდენად, შესაძლებელია შიდა გადაცემები გვაქვს. ფაქტია, რომ ეპიდკვლევით ჯერჯერობით არაფერი არ არის გამოვლენილი, ხვალაც გავაგრძელებთ და ვნახოთ, რა შედეგამდე მივალთ", - განაცხადა საზოგადოებრივი ჯანდაცვის ფოთის ცენტრის დირექტორის მოადგილემ ზინაიდა გაგუამ.