ბათუმში ე.წ ხოფას ბაზრობამ დღის მეორე ნახევარში მუშაობა განაახლა. როგორც ბაზრობის მოიჯარეები აცხადებენ, მათ უფასო PCR ტესტირება ჩაუტარდათ და სავაჭრო ობიექტებზე წესებს იცავენ.
"თითოეულ დახლთან მაღაზიაში არის ხელის დასამუშავებელი ხსნარი, და ასევე დეზობარიერი. აქ მუშაობა უსაფრთხოა, ყველამ ჩავიტარეთ ტესტები და ვიცავთ წესებს",- აცხადებს მოიჯარე ნაზი დუმბაძე.
ცნობისთვის, ბათუმში ე.წ. ხოფას ბაზრობაზე კორონავირუსის 7 შემთხვევა გამოვლინდა, რის გამოც ბაზრობა დაკეტილი იყო. ადგილზე ეპიდემიოლოგები მუშაობდნენ.