აჭარაში კორონავირუსი სარიტუალო დარბაზის თანამშრომელს დაუდასტურდა, სადაც 300-კაციანი ქორწილი ჩატარდა
აჭარაში კორონავირუსით ინფიცირებულთა შორის სარიტუალო დარბაზ "აჭარას" თანამშრომელია.
როგორც "ინტერპრესნიუსისთვის" გახდა ცნობილი, ინფიცირებული პირი სამსახურში ბოლოს 3 სექტემბერს იმყოფებოდა, როდესაც 300 კაციანი ქორწილი გაიმართა.
აჭარის ჯანდაცვის სამინისტროს ინფორმაციით, ფაქტს ეპიდემიოლოგები სწავლობენ და სარიტუალო დარბაზის თანამშრომელთა ტესტირება იგეგმება.
"ინფიცირებული პირი კლინიკაშია მოთავსებული. სარიტუალო დარბაზს გაეცა რეკომენდაციები და სპეციალისტები ფაქტს სწავლობენ. ჩვენ ვგეგმავთ ყველა თანამშრომლის ტესტირებას, კორონავირუსის პრევენციის მიზნით",- აცხადებენ უწყებაში.
