რომის პაპი ფრანცისკე აცხადებს, რომ არავინ უნდა ეძიოს ეკონომიკური ან პოლიტიკური სარგებელი კორონავირუსის პანდემიისგან და რომ ვაქცინების შემქმნელებმა ის არ უნდა განიხილონ მხოლოდ, როგორც მომგებიანი საქმიანობა.
პაპმა ოთხშაბათის ტრადიციულ აუდიენციაზე ისიც აღნიშნა, რომ პანდემიამ ყველას ბიძგი უნდა მისცეს საერთო კეთილდღეობის შექმნისთვის იმუშაონ.
„კრიზისი, რომელშიც პანდემიის გამო ვცხოვრობთ, ყველას ეხება. კრიზისი უკეთეს ადამიანებად გვაქცევს, თუკი ყველა საერთო კეთილდღეობისკენ ვისწრაფით. სამწუხაროდ ჩვენ ვხედავთ პარტიული ინტერესების გაღვივებას, მაგალითად, არიან ისეთებიც, ვისაც საკუთარი თავისთვის სურს შესაძლო გადაწყვეტილებების მიღება, როგორიცაა ვაქცინის შექმნა და მერე სხვებისთვის მიყიდვა. ზოგი კი ეკონომიკური და პოლიტიკური გახლეჩვის წაქეზებით იღებს სარგებელს, იწყებენ, ზრდიან ან ამწვავებენ კონფლიქტებს“, - აღნიშნა რომის პაპმა.
მისივე თქმით, პანდემიაზე და მისით გამოწვეულ სოციალურ და ეკონომიკურ კრიზისზე ქრისტიანული რეაგირება სიყვარულზეა დაფუძნებული.