აშშ-მ ჩინეთის 1000-ზე მეტ მოქალაქეს ვიზა გაუუქმა, - ამის შესახებ ინფორმაციას "როიტერსი" აშშ-ის სახელმწიფო დეპარტამენტზე დაყრდნობით ავრცელებს.
გადაწყვეტილება პრეზიდენტ დონალდ ტრამპის ადმინისტრაციის განკარგულების ფარგლებში მიიღეს, რომელიც იმ სტუდენტებსა და მეცნიერებს, რომლებსაც ჩინეთის სამხედრო ხელისუფლებასთან დაკავშირებულ პირებად მიიჩნევენ, აშშ-ში შესვლას უკრძალავს.
„8 სექტემბრის მონაცემებით, დეპარტამენტმა ჩინეთის 1000-ზე მეტ მოქალაქეს, რომლებიც პრეზიდენტის 10043 პროკლამაციას ექვემდებარებოდნენ, ვიზა გაუუქმა,“- აცხადებენ სახელმწიფო დეპარტამენტში.
საქმე ეხება პრეზიდენტ დონალდ ტრამპის 29 მაისის პროკლამაციას, რომელიც ქვეყანაში იმ სტუდენტებისა და მკვლევარების შესვლას ბლოკავს, რომლებსაც ჩინეთი აშშ-ის სენსიტიური ტექნოოლოგიური და ინტელექტუალური საკუთრების ხელში ჩასაგდებად იყენებს.
სახელმწიფო დეპარტამენტმა ახალი წესების განხორციელება 1 ივნისიდან დაიწყო.