გურჯაანში შუახნის ქალს კორონავირუსი დაუდასტურდა. ამ ინფორმაციას დაავადებათა კონტროლისა და საზოგადოებრივი ჯანმრთელობის კახეთის განყოფილებაში ადასტურებენ.
მან ვირუსისთვის დამახასიათებელი სიმპტომებით გურჯაანის „ჯეო ჰოსპიტალსის“ კლინიკას რამდენიმე დღის წინ მიაკითხა.
ჩატარებულმა კვლევამ კორონავირუსზე დადებითი პასუხი აჩვენა.
ექიმების ინფორმაციით, ინფიცირებული ქალის ჯანმრთელობის მდგომარეობა ამ ეტაპზე დამაკმაყოფილებელია.