“ჯორჯიან უოთერ ენდ ფაურმა” გლდანის რაიონში, ბაღაშვილისა და გურიის ქუჩებზე წყალმომარაგების სისტემის რეაბილიტაცია დაასრულა.

როგორც „ინტერპრესნიუსს“ კომპანიიდან აცნობეს, აღნიშნული პროექტის ფარგლებში კომპანიამ 3 კმ სიგრძის წყალსადენის ქსელი სრულად განაახლა და ევროსტანდარტის ჩამკეტ-მარეგულირებელი ურდულები დაამონტაჟა.

მოსახლეობის სტაბილური წყალმომარაგებისთვის ახალ ქსელზე სატუმბო სადგური მოეწყო.

სამუშაოების შედეგად ავჭალა 2-ის დასახლების 400-ზე მეტ აბონენტს წყალმომარაგება გაუუმჯობესდება.

პროექტში ჯივიპიმ 270 ათას ლარზე მეტი ინვესტიცია განახორციელა.