გიორგი გახარია მოსახლეობას მიმართავს, როგორც კი კორონავირუსისთვის დამახასიათებელ სიმპტომებს იგძნობენ, მაშინვე აკრიფონ 112 და მიმართონ ექიმს
პრემიერ-მინისტრ გიორგი გახარიას განცხადებით, მნიშვნელოვანია, რომ თითოეულმა მოქალაქემ თვითმონიტორინგის ხარისხი გააძლიეროს და კორონავირუსის ინფექციის პირველივე სიმპტომებზე 112-ზე დარეკოს.
როგორც პრემიერმა მთავრობის სხდომაზე განაცხადა, ასევე მნიშვნელოვანია, რომ თითოეულმა მოქალაქემ დაიცვას ჰიგიენის ნორმები და ატაროს პირბადე.
„ყველაზე მნიშვნელოვანია, რომ თითოეულმა მოქალაქემ თვითმონიტორინგის ხარისხი გააძლიეროს. როგორც კი პირველად სიმპტომებს ვიგძნობთ, მაშინვე ავკრიფოთ 112 და მივმართოთ ექიმს. გარწმუნებთ, რომ ამის შემდგომ არანაირი პრობლემა არ იქნება. ჯანდაცვის სისტემა გადადგამს ყველა იმ ყველა ნაბიჯს, რომ დავიცვათ ჩვენი მოქალაქეების ჯანმრთელობა. თუმცა, ელემენტარული ყოველდღიური წესები, პირბადის ტარება, ჰიგიენის ნორმების დაცვა, დისტანცია - ეს ის ნორმებია, რომელიც სამწუხაროდ, გარკვეული პერიოდი ჩვენთან ერთდ იქნება. ვირუსთან ადაპტაცია და ვირუსის სწორი მართვა არის გასაღები იმისთვის, რომ არ მოგვიწიოს მკაცრი ეკონომიკური შეზღუდვების შემოღება და ჩვენი ეკონომიკის გაჩერება“, - განაცხადა გახარიამ.
