აჭარის ხალხური ხელოვნების სკოლა დაიკეტა. როგორც ამავე სკოლის დირექტორმა ვახტანგ ბერიძემ „ინტერპრესნიუსს" განუცხადა, სკოლის დაკეტვის მიზეზი კორონავირუსია, რომელიც პედაგოგს დაუფიქსირდა.
პედაგოგის ინფიცირების წყარო უცნობია.
ვახტანგ ბერიძის ინფორმაციით, აჭარის ხალხური ხელოვნების სკოლის 10 თანამშრომელი, ხელმძღვანელთან ერთად თვითიზოლაციაში იმყოფება.
„ჩვენს ერთ თანამშრონელს კორონავირუსი დაუფიქსირდა, რის გამოც 10 ადამიანი თვითიზოლაციაში ვართ. გუშინვე ავიღეთ ტესტები, ველოდებით ტესტების პასუხს. ყველანი თავს კარგად ვგრძნობთ. აჭარის ხალხური ხელოვნების სკოლა დაკეტილია, არავინ არ არის შენობაში. ჩვენი თანამშრომელი 16 ინფიცირებულთა შორის არის, ვისი დაინფიცირების წყაროც უცნობია“, - განაცხადა ვახტანგ ბერიძემ.