„ელიტ ელექტრონიქსის“ ბათუმის ჭავჭავაძის 78/88-ში მდებარე ფილიალის თანამშრომელს Covid 19 დაუდგინდა, - ამის შესახებ ინფორმაციას კომპანია „ელიტ ელექტრონიქსი“ ავრცელებს.
მათივე ინფორმაციით, აღნიშნული ფილიალის თანამშრომელს კორონავირუსი 9 სექტემბერს დაუფიქსირდა.
„მიუხედავად იმისა, რომ ეს ადამიანი არ იმყოფებოდა მაღაზიაში, ჩვენი მხრიდან მომენტალურად მოხდა უსაფრთხოების ზომების მიღება და ფილიალის დახურვა.
ყველა თანამშრომელს უკვე ჩაუტარდა ტესტირება, ისინი იმყოფებიან თვითიზოლაციაში და ამ ეტაპისთვის მიმდინარეობს მაღაზიის სრული დეზინფექცია.
შესაბამისად, ბათუმელ მომხმარებლებს ამ პერიოდის განმავლობაში სასურველი ტექნიკის შესაძენად შეუძლიათ მიმართონ ჩვენ მეორე ფილიალს გორგილაძის 94-ში.
ამასთან, უახლოეს დღეებში ჭავჭავაძის ფილიალის გახსნა მოხდება სარეზერვო კადრებით“, - ნათქვამია „ელიტ ელექტრონიქსის“ მიერ გავრცელებულ ინფორმაციაში.