იმერეთში სახელმწიფო რწმუნებულის ადმინისტრაციაში პროექტ „მერები ეკონომიკური ზრდისთვის“ ფარგლებში შეხვედრა გაიმართა

იმერეთში სახელმწიფო რწმუნებულის ადმინისტრაციაში პროექტ „მერები ეკონომიკური ზრდისთვის“ ფარგლებში შეხვედრა გაიმართა. სახელმწიფო რწმუნებულის აპარატის ცნობით, შეხვედრაში მონაწილეობდნენ სახელმწიფო რწმუნებული ზვიად შალამბერიძე, იმერეთის 12 მუნიციპალიტეტის ადგილობრივი თვითმმართველობის წარმომადგენლები, პროექტის მენეჯერი პიტერ კორბსი, „მერები ეკონომიკური ზრდისთვის“ კოორდინატორი ზვიად არჩუაძე და ინტერმუნიციპალური თანამშრომლობის ექსპერტი ირაკლი მატკავა.

„იმერეთის რეგიონის მუნიციპალიტეტები აქტიურად თანამშრომლობენ ევროკავშირის ინიციატივასთან „მერები ეკონომიკური ზრდისთვის“ (M4EG).

მხარის 12 - ვე მუნიციპალიტეტი M4EG - ის კლუბის წევრია. ყველა მუნიციპალიტეტს მომზადებული აქვს ადგილობრივი ეკონომიკური განვითარების გეგმა და ისინი დადებითად არის შეფასებული მსოფლიო ბანკის ექსპერტების მიერ.

რეგიონის ხელმძღვანელობისა და მუნიციპალიტეტების სურვილით, ევროკავშირის ინიციატივის სამდივნო, აქტიურად მუშაობს ადგილობრივი ეკონომიკური განვითარებისთვის მუნიციპალიტეტების თანამშრომლობის გაფართოების საკითხზე. აღნიშნული დოკუმენტი მუნიციპალიტეტებმა შესაძლებელია გამოიყენონ ევროკავშირის ინიციატივის გრანტის მისაღებად.

დღევანდელ შეხვედრაზე M4EG - ის ოფისის ხელმძღვანელობამ მონაწილეებს გააცნო იმერეთის მუნიციპალიტეტების ადგილობრივი ეკონომიკური განვითარებისთვის ინტერმუნიციპალური თანამშრომლობისთვის მოსამზადებელი საკითხები. გარდა ამისა, მხარეებმა ადგილობრივი ეკონომიკური განვითარებისთვის ინტერმუნიციპალური თანამშრომლობის საჭიროებები, საერთო მიზნები და აქტივობები განიხილეს.

შეხვედრის ბოლოს იმერეთში სახელმწიფო რწმუნებულმა ზვიად შალამბერიძემ და M4EG-ის ოფისის ხელმძღვანელმა პიტერ კორბსმა მუნიციპალიტეტებს, M4EG - ის ფარგლებში, მათი მიღწევების დამადასტურებელი სერტიფიკატები გადასცეს.

M4EG - ის ახალი ფაზა 2021 წლიდან დაიწყება, რომლის ფარგლებშიც 5 მლნ. ევრო იქნება გამოყოფილი ტექნიკური დახმარებისთვის, 5 მლნ. ევრო - მცირე (10-30 ათასი ევრო) გრანტებისთვის, ხოლო 10 მლნ ევრო - დიდი გრანტებისთვის (საშუალოდ 700 ათასი ევრო). დიდი გრანტებისთვის კონკურსი სავარაუდოდ, მიმდინარე წლის ბოლოსთვის გამოცხადდება”,-აღნიშნულია ინფორმაციაში.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 19.04.2021
ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა