მინდა მთელი ჩემი რესურსი, კავშირები და შესაძლებლობები გამოვიყენო და ვიბრძოლო საქართველოს წარმატებისთვის , - ამის შესახებ ყოფილმა კალათბურთელმა, "ქართული ოცნების" საარჩევნო სიის წევრმა ვიქტორ სანიკიძემ ჟურნალისტებს განუცხადა.

მისი თქმით, პოლიტიკაში წასვლა მისთვის ახალი გამოწვევაა.

"ჩემი სპორტული კარიერის დასრულების შემდეგ ეს ჩემთვის ახალი გამოწვევაა. მე, დაახლოებით, 15 წლის განმავლობაში ვიცავდი ჩვენი ქვეყნის ეროვნული გუნდის ღირსებას. დღეს,უკვე წარმოვადგენ "ქართულ ოცნებას". მინდა, მთელი ჩემი რესურსი, კავშირები და შესაძლებლობები გამოვიყენო და ვიბრძოლო საქართველოს წარმატებისთვის",- განაცხადა სანიკიძემ.

ცნობისთვის, "ქართულმა ოცნებამ" სიის პირველი ოცეული დაასახელა. ვიქტორ სანიკიძე სიაში მე-13 ნომრად არის წარმოდგენილი.