ოზურგეთში, კორონავირუსის ახალი შემთხვევა დაფიქსირდა. დაავადებათა კონტროლის საზოგადოებრივი ჯანმრთელობის ეროვნული ცენტრის გურიის განყოფილების ინფორმაციით, იგი

სოფელ ბაღდათს უკავშირდება. მათივე თქმით, ინფიცირებულთან კონტაქტში მყოფი პირები ცნობილია და "პისიარ" კვლევა ხვალ ჩაუტარდებათ.

,,პირი, რომელსაც კორონავირუსი დაუდგინდა, სავარაუდოდ საბაჟოს კლასტერს მიეკუთვნება. კოვიდინფიცირებული ბათუმის რესპუბლიკური საავადმყოფოს კოვიდ ცენტრში გააგრძელებს მკურნალობას. ამ დროისთვის მოძიებულია მისი კონტაქტები. ლანჩხუთში 5, ოზურგეთში კი 7-8 კონტაქტი. ყველა პირი თვითიზოლაციაში იმყოფება. ხვალ მოხდება მათი პისიარ კვლევა.

გურიაში კორონავირუსის 11 შემთხვევაა დაფიქსირებული. 3 ჩოხატაურის, რვა კი ოზურგეთის მკვიდრია", - განაცხადა დაავადებათა კონტროლის საზოგადოებრივი ჯანმრთელობის ეროვნული ცენტრის გურიის განყოფილების ხელმძღვანელმა, არჩილ მჟავიამ.