აჭარაში კორონავირუსის 39 ახალი შემთხვევიდან 15 პირის ინფიცირების წყარო უცნობია

აჭარაში კორონავირუსის 39 ახალი შემთხვევიდან 15 პირის ინფიცირების წყარო უცნობია, - ამის შესახებ აჭარის საზოგადოებრივი ჯანდაცვის ცენტრის ხელმძღვანელმა რუსუდან შავიშვილმა ბრიფინგზე განაცხადა. მისი ინფორმაციით, ვირუსის ახალი კერები გამოიკვეთა, ასევე ინფიცირებულები ცნობილ კლასტერებს უკავშირდებიან.

"აჭარაში დაფიქსირდა 39 ახალი შემთხვევა. მათ შორის ოთხი იმპორტირებული შემთხვევაა. საერთაშორისო გადაზიდვების ავტომანქანის მძღოლებია. დანარჩენი შემთხვევებიდან გვაქვს 4 უკვე ცნობილ კლასტერებთან დაკავშირებული. ოთხი ე.წ. ხოფას სავაჭრო ცენტრს უკავშირდება, 2 - "ნოვას" , 2 – „ელიტ ელექტრონიკსს“, 1 - სასაზღვრო პოლიციის თანამშრომელია. 10 შემთხვევა არის დაკავშირებული უკვე აქამდე არსებულ გაჟღერებულ კლასტერებთან, ეს გახლავთ დადასტურებული შემთხვევების ოჯახური კონტაქტები. 14 ახალი არეალი გამოჩნდა, სადაც არის ერთეული შემთხვევები. 15 არის უცნობი შემთხვევა, რომელთა პირველწყარო არ არის ცნობილი. მათ შორის იკვეთება სამედიცინო დაწესებულებები. კვლევები არ არის ჯერ დასრულებული. გამოიკვეთა ახალი ლოკაციები. ესენია სადისტიბუციო კომპანია, "თეგეტა მოტორსი", კლინიკა "როგო" და ა.შ. კვლევები ფართოვდება“, - განაცხადა აჭარის საზოგადოებრივი ჯანდაცვის ცენტრის დირექტორმა.

„კიდევ ერთხელ მინდა მოგიწოდოთ, მოქალაქეებმა გამოიჩინოთ მაღალი პასუხისმგებლობა. თუ აქვთ სულ მცირე გამოხატული სიმპტომატიკა, დაუკავშირდით 112-ს", - განაცხადა აჭარის საზოგადოებრივი ჯანდაცვის ცენტრის დირექტორმა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა