რუსთავის ცენტრალური საავადმყოფოს ინფექციური განყოფილების ცხელების ცენტრში, კოვიდინფიცირების ერთი შემთხვევა დაფიქსირდა.
როგორც ,,ინტერპრესნიუსთან“ საუბარისას რუსთავის ცენტრალური საავადმყოფოს დირექტორმა პაპუნა ბახტაძემ განაცხადა, ინფიცირებული ქალი გარდაბნის მუნიციპალიტეტიდანაა და ცხელების ცენტრში გუშინ შეიყვანეს.
ბახტაძის თქმით, მას კორონავირუსისთვის დამახასიათებელი სიმპტომები აღენიშნებოდა და PCR ტესტირების შედეგად "კოვიდ 19“ დაუდასტურდა. ინფიცირებული თბილისში კოვიდმიმღებ კლინიკაში გადაიყვანეს. რუსთავის ცხელების ცენტრში ამ დროისთვის 6 პირია მოთავსებული, მათი ბიოლოგიური მასალის ლაბორატორიული კვლევის შედეგები ხვალ გახდება ცნობილი.