ფეხბურთელ გიორგი შაქარაშვილის განზრახ მკვლელობის საქმეზე ბრალდებული არასრულწოვნის, ზ.ხ.-ს ადვოკატის, მურმან ნიკოლეიშვილის განცხადებით, მისი დაცვის ქვეშ მყოფის მამის, თამაზ ხომასურიძის დაკავება ზ.ხ.-ს საქმეზე მის აქტიურობას უკავშირდება.

როგორც მცხეთის რაიონულ სასამართლოში ნოკოლეიშვილმა ჟურნალისტებს განუცხადა, თამაზ ხომასურიძის დაკავება მისთვის მოულოდნელი იყო.

"ამ ეტაპზე დეტალური ინფორმაცია არ მაქვს. რაც შეეხება მუქარის ფაქტს, რაც ხომასურიძის მიერ გაკეთებული განცხადებები მომისმენია, იქიდან ის პირადად არავის დამუქრებია. შესაბამისად, ვფიქრობ, მისი ამ მიზეზით დაკავებას საფუძველი არ ექნება. მე არ ველოდი მის დაკავებას და ჩემთვის მოულოდნელი აღმოჩნდა. ვფიქრობ, მისი დაკავება იმ აქტიურობას მოჰყვა, რომელსაც ის ახორციელებდა მისი შვილის მიმართ მიმდინარე სისხლის სამართლის საქმეზე",- განაცხადა ნიკოლეიშვილმა.