ბიზნესისა და ტექნოლოგიების უნივერსიტეტის წარმატების ისტორია და ახალი ინიციატივები

წარმატების ისტორია და ახალი ინიციატივები - ბიზნესისა და ტექნოლოგიების უნივერსიტეტი (BTU) 4 წლისაა.

4000 სტუდენტი, 6 საგანმანათლებლო პროგრამა, 150-ზე მეტი მსხვილი ადგილობრივი და საერთაშორისო პარტნიორი, 70-ზე მეტი ინოვაციური სტუდენტური სტარტაპი, თანამშრომლობა 40-მდე მსოფლიოს წამყვან უნივერსიტეტთან, მათ შორის, რეგიონში პირველად: MIT, Les Roches, Henley Business School, Webster University, Paris Business School, Citadel Military College. სწავლების აღიარებული სტანდარტები და კურსების საერთაშორისო სერტიფიცირება, ბრიტანეთის სამეცნიერო პარკთან პარტნიორობით დაფუძნებული მეწარმეობის ცენტრი 2000-მდე ბენეფიციარით, ბიზნეს კლინიკა და გლობალური სტარტაპ ფონდი, რეგიონში პირველად - MIT-ის გლობალური სტარტაპ ლაბის გადამზადების პროგრამა სრული დაფინანსებით, ვებსტერის პირველი რეგიონალური კამპუსი, ESx.ge - ონლაინ საგანმანათლებლო პლატფორმა, აღიარება საერთაშორისო სტარტაპ კონკურსებში, კოდინგის სკოლა ქალებისთვის, ხელოვნური ინტელექტის და კიბერ-უსაფრთხოების ლაბორატორიები, ტექნოლოგიური ფესტივალები, ჰაკათონები, დასაქმების ფორუმები, ოლიმპიადები - ეს მხოლოდ ნაწილია იმ წარმატებული შედეგებისა, რასაც ბიზნესისა და ტექნოლოგიების უნივერსიტეტმა 4 წლის განმავლობაში მიაღწია.

BTU-ს მიღწევებისა და სამომავლო გეგმების, ‘’ინიციატივა 5.0’’-ის შესახებ პრეზენტაცია დაინტერესებული მხარეებისთვის სასტუმრო "სტამბაში" 11 სექტემბერს გაიმართა. მიღწეულ შედეგებთან ერთად, უნივერსიტეტის სამეთვალყურეო საბჭოს თავმჯდომარემ, მიხეილ ბატიაშვილმა და რექტორმა, ნინო ენუქიძემ მოწვეულ სტუმრებს, - საერთაშორისო, საჯარო და კერძო ორგანიზაციების წარმომადგენლებს ის ინიციატივები და ინოვაციური პროექტები გააცნეს, რომლებიც უახლოეს მომავალში განხორციელდება.

BTU-ს „ინიციატივა 5.0” საქართველოში ციფრული ეკონომიკის გაძლიერებას, რეგიონში ციფრული დომინირების მოპოვებასა და ტექნოლოგიების მოწინავე სექტორებში ინტეგრირების სტიმულირებას გულისხმობს. ამ მიზნით, ადგილობრივი და საერთაშორისო პარტნიორების ჩართულობით, BTU მასშტაბურ პროექტებს ისეთ მნიშვნელოვან სექტორებში განახორციელებს, როგორებიცაა განათლება, ჯანდაცვა ფინანსები, სოფლის მეურნეობა, მწვანე ტექნოლოგიები, კულტურის, მედიის ტექნოლოგიები და სხვ.

ცოდნის ბანკი - მასშტაბური პლატფორმა, რომელსაც BTU თავის სტუდენტებსა და კურსდამთავრებულებს სთავაზობს, ციფრულ სივრცეს, სტუდენტის ტექნოლოგიურ მეხსიერებას წარმოადგენს და სხვადასხვა მოწინავე ინდუსტრიის გარშემო საუკეთესო ავტორების მიერ შექმნილ ლიტერატურას, სახელმძღვანელოებს, სტატიებს, ვიდეოებს და სხვა მასალას აერთიანებს. პლატფორმა შესაძლებლობას აძლევს სტუდენტს, შექმნას პერსონალური სამუშაო გარემო, გააკეთოს ჩანაწერები, და მთელი ცხოვრების განმავლობაში, გაამდიდროს საჭირო ინფორმაციით.

ცოდნის ბანკი აშშ-ს სილიკონ ველიში შექმნილი სამუშაო აპლიკაცია Notion-ის პლატფორმის ბაზაზე შეიქმნა. აპლიკაციას 4 მილიონზე მეტი მომხმარებელი ჰყავს.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა