ლანჩხუთის მუნიციპალიტეტში კორონავირუსის ორი შემთხვევა გამოვლინდა.

დაავადებათა კონტროლის ეროვნული ცენტრის გურიის ოფისის ხელმძღვანელის, არჩილ მჟავიას ინფორმაციით, ინფიცირებულებთან კონტაქტში მყოფი პირების კვლევა მიმდინარეობს.

მისივე თქმით, მოძიებული კონტაქტები თვითიზოლაციაში იმყოფებიან.

„მათი ბიოლოგიური მასალა უკვე გაგზავნილია „პისიარ“ კვლევისთვის. ეპიდკვლევა კვლავაც გრძელდება. მოსახლეობას პანიკის საფუძველი არ აქვს. გურიაში ვითარება კონტროლს სრულად ექვემდებარება“, – განაცხადა არჩილ მჟავიამ.

ამ დროისთვის გურიაში კორონავირუსის სულ 17 შემთხვევაა დაფიქსირებული.