ფოთში 118 პირის "პისიარ“ კვლევის შედეგები ცნობილია. არცერთ მათგანს ,,კოვიდ 19“ არ დაუდასტურდა. საზოგადოებრივი ჯანდაცვის ადგილობრივი ცენტრის ინფორმაციით, ბოლო მონაცემებით, ფოთში, თვითიზოლაციის რეჟიმში 31 ადამიანი იმყოფება, აქედან რვა ცაგერის კლასტერს მიეკუთვნება.

"ფოთში, დაგვემატა ცაგერის კლასტერიდან 8 პირი, სულ ჯამში, თვითიზოლაციაში გვყავს 31 ადამიანი. მათ ჩაუტარდათ ტესტირება და პასუხი უარყოფითია. დღეისათვის ვაწარმოებთ გეგმურ კვლევებს , გუშინ გაიგზავნა 118 ბიოლოგიური ნიმუში ლაბორატორიაში, პასუხები უარყოფითია,“- განაცხადა საზოგადოებრივი ჯანდაცვის ფოთის ცენტრის დირექტორის მოადგილემ, ზინაიდა გაგუამ.