აჭარაში 22 პირის კორონავირუსით ინფიცირების წყარო უცნობია - აჭარის მთავრობის ადმინისტრაციის თანამშრომელს კორონავირუსი დაუდასტურდა

საქართველოში კორონავირუსის 158 შემთხვევიდან 80 აჭარაში გამოვლინდა,- ამის შესახებ აჭარის საზოგადოებრივი ჯანდაცვის ცენტრის დირექტორმა რუსუდან შავიშვილმა ბრიფინგზე განაცხადა.

მისი ინფორმაციით, ინფიცირებულთა შორის აჭარის მთავრობის ადმინისტრაციის თანამშრომელია, რომელიც უკვე ჰოსპიტალიზირებულია. რუსუდან შავიშვილის განცხადებით, აჭარაში 22 პირის კორონავირუსით ინფიცირების წყარო უცნობია.

"გასული დღე-ღამის განმავლობაში აჭარაში 80 დადასტურებული შემთხვევა გამოვლინდა და რამდენიმე ნიმუში კვლევის ფაზაშია. 20-ზე მეტი შემთხვევა რიტუალურ პროცესებთან არის დაკავშირებული ანუ საქორწილო დარბაზებში ყოფნის ფაქტს უკავშირდება. დაახლოებით 22 კი უცნობია, 7- სამედიცინო დაწესებულებებთან დაკავშირებული შემთხვევაა, 3 ხოფას ბაზრობის კლასტერს მიეკუთვნება. დღე-ღამის განმავლობაში 2697 კვლევა იყო დასრულდებული. კარვებსა და პოლიკლინიკებიდან 2185 ტესტი იყო აღებული.

ტურისტულ სეზონის დასრულებასთან დაკავშირებით კარვებში ტესტის ჩაბარების მხრივ, მოქალაქეების მიმართვიანობა კლებულობს და ამიტომ კარვები თავის ფუნქციას წყვეტენ და მხოლოდ ორ ლოკაციაზე დარჩება კარავი -ხოფას სავაჭრო ცენტრთან და ავტოსადგურთან, როგორც თავიდან იყო.

კიდევ ერთ უზუსტობაზე გვინდა ყურადღება გავამახვილოთ, გუშინ დაშვებული იყო შეცდომა, "თეგეთა მოტორსის" ნაცვლად "თერამოტორსი" უნდა მეთქვა.

ერთი დადასტურებული შემთხვევა აჭარის მთავრობის ადმინისტრაციაში გვყავს, ყველა კონტაქტირებული პირი თვითიზოლაციაში არის გადაყვანილი, თვითონ ინფიცირებული ჰოსპიტალიზაციაშია. აჭარის განათლების სამინისტროში "კოვიდ-19" ინფიცირებული არ არის. ძალიან მოიმატა იმ პირთა რაოდენობა, რომლებსაც საკარანტინე სივრცეში გადავიყვანთ ან არის გადაყვანილი, ისინი რეაბილიტაციას გადიან. ახალი კერა არ გვაქვს.

ბათუმის ინფექციურმა საავადმყოფომ ინფიცირებულთა მიღება დაიწყო, გუშინ უკვე ჰყავდათ პაციენტი და კლინიკა კოვიდმკურნალობაში ჩაერთვება",- აცხადებს რუსუდან შავიშვილი.

იხილეთ ვიდეო:აჭარაში გამოვლენილი შემთხვევებიდან 20-ზე მეტი ქორწილებს უკავშირდება

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე